وصلني قبل يومين ايميل ذو نوايا خبيثة غير حسنة أبداً، ايميل مليء بالصور التي هيّجت مشاعري وأفقدتني تركيزي... لا تستعجلوا سأشارككم بها.
ملاحظة: البوست يحوي عدد كبير من الصور، لا تستعجل و"وسع صدرك"، واضغط على الصورة إذا أردت مشاهدتها بالحجم الكامل.
بما أني قد "احترّيت" وأنا طاحس فوق هذا التراب الساخن ولا أستطيع التحرّك لإرتباطي بالفصل الصيفي، فليس من العدل أن "أحتر" وحيداً، فقررت أن أشارككم لـ"تحترّوا" معي...
خوش واحد مو :)
الايميل لم يكن يحمل إلا هذه الصور، ومعلومة تقول أنها التقطت من أحد الجبال في اندونيسيا... والله طلعت مو هينة اندونيسيا :)
أتمنى تكونون احترّيتوا أيها الطاحسين معي فوق التراب.... لوول P:
23 comments:
حلوه الطاحسين فوق التراب
لوووووووووووووووووووووول
لا كلش مااحتريت من الصور
لأنه شكله الجو حر ورطوبه موشي إذا موديرة براد ومطر
ويالله من فضلك ولا ماتسوى احتر
إي صج لوكويت إنت مو بكلية الحقوق!!
ليش ماخذ صيفي ماكو صيفي بكليتنه إلا للغات ومايسوى بهالحر تداوم على ماده وحده أو ثنتين
جان خذيته كورس الأول
وافتكيت من الصيفي!!
لوير/
يمعودة انتي شوفي الصور
والله المنظر بروحه يرد الروح
شلون لو اكون اهناك :/
رطوبتهم على الاقل على سنع
مو اللي عندنا الحمدلله والشكر :/
بخصوص الصيفي
هذا المفروض بس كل كورس يصير عندي تعارض
لان تدرين اوقات مواد اللغات خايسة
فنطرت 3 سنين وماكو فايدة
وخلاص بتخرج السنة الجاية
فقلت ماكو الا الصيفي على الاقل ما اتاخر كورس عشان اللغات
الله يعين يلا هانت :)
حياج الله
الكويت
ليش تحتر الكويت أحلى ;)و بعدين الأماكن إلي بهالصور كلها دبوب >> يعني حشرات الله يكافينا الشر
ديرتنا أحلى صدقني و الطحسه فيها عجيبه تونس
:)
الجودي/
:) يعجبني التفاؤل
بس مو لهدرجة لووووول
والدبوب على قولتج
ارحم من اللاهوب والغبار
:)
حياج الله
الرطوبه تقث وتملل الواحد حتى لو كانت المناظر الطبيعيه خلابه
ياحلات هالمناظر الطبيعيه بسويسرا والنمساوالجو يالله من فضلك
بس هالسنه يتهم مو جت حر صار جوهم
جنه ماليزيا بالنهار
تهقى من عيني ليش ماسافرت
؛-)
صاج وقتهم كانه حده خايس
أذكر كان الساعه 3 و4
يااااااااحلو كليتنا
فيها ذكريات وأيام لاتنسى
صحيح إني طاحس بالحر
بس العبره عندي
بالشاي وليس بالجو الجميل
في شاي الامور ماشية تمام
:)
بس تمنيت لو أسوي غوري شاي ودلة قهوة رسلان بالحديقة قدام الكوخ
آآآآآه
ماأطولها من طحسه
:)
مودتي
لوير/
لووول موجة الحر من عيني :P
بس موجة حر عندهم ربيع بالنسبة لنا مو؟
:)
اي يا حلو كليتنا
انا ادور الفكة منها الحين لووول
حياج الله
ابريق/
لووووول
حدك قنوع
تبي غوري شاي ودلة قهوة جدام الكوخ هاا
شتفرق اشربها بالبيت دام الدعوة جذي :P
لوووول
الله يعين.. صبر جميل :)
حياك الله
هههههههههههه
عجيب البوست
بس تبي الصج انا كلش مو حاسة بالحر لدرجة انه صارت فيني انفلونزا بهالحر والفطيسة اللي حاسين فيها إلا انا حتى الكل يقولي الظاهر انتي فيج مكيفات تبرد من داخل لووول
بالنسبة لي الجو حلو ودافيء بس لا يصير رطوبة اكرهه نفسي ..عندي غبار ولا رطوبة
والصور رووووووعة بس ديرتنا احلى :D
يعطيك العافية ولا تحتر وايد :)
يا صباح الطاحسين فوق هالتراب الطيب
الناظر عجيبه خيال
بس ليش حسيت الجو رطوبه شويه
:)
الله يشرح صدرك مثل ما شرحت صباحنا
من قريت اندونيسيا خلاص
ماحتريت طاف
ماحب دول شرق اسيا ولا ناسهم:p
انا بعد بحرك مثل ما حريتني
شخباااري كورس صيفي
دراسة بهالحر
الله يكون بعونك
الله ...خوش مكان والله
طال عمرك عن قريب راح اكون في احد الدول الشرق اسيويه لمده تشارف على نهاية رمضان بس ارد الديره اخر يومين برمضان عشان اشتري لي جم غتره يديده وكان الله غفور رحيم
le Koweit
حدناااا طاحسين و ما قصرت حريتنيييييييي
:)
السياسية/
لوووول انفلونزا بهالحر
ما تشوفين شر :)
اهو صح الرطوبة خايسة
بس هم اللاهوب خايس والغبار اخيس :>
كلهم خايسين لووول
الله يعين
حياج الله
الزين/
لا يتراوالج ماكو الا العافية
لوووول
الجو يرد الروح :P
حياج الله :)
سنعه/
ليه بس كده
دول ناس طيبين أوي :p
لووول
حياج الله
نور الكويت/
لوووول
لا خلاص تعودت :P
محاولة بائسة العبي غيرها :p
لوووول
حياج الله
سامي/
اي والله
يبيله سفرة والله :)
حياك الله
جبريت/
تروح وترد بالسلامة
بس ليش راد على اخر يومين
كملها لي العيد مرة وحدة
واشتر غترك من الحين
لوووول
حياك الله
جيرلز اند كويت ستي/
لووول
هذا المطلوب :P
حياج الله :)
Post a Comment