Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Tuesday, July 27, 2010

قمة المصخرة

سأكون مختصر جداً وأقول ما لدي مباشرة.
 

مواطن عاد من أحد الدول من رحلة علاج بالخارج، ولأسباب -لا تهمنا هنا ولن تغير من الأمر شيئاً- أراد أن يدخل البلاد بدون أن يعلم عنه أحد وبالأخص جهة عمله، فـ"شافله واسطة" بالمطار، واستطاع أن يدخل الكويت بدون تختيم!
 
و"ازيدكم من الشعر بيت"، خرج عبر المنفذ البري وعاد -بواسطة أخرى- بدون أن يختّم أيضاً!
 
فهو عبر الحدود الكويتية ثلاث مرات، دخل من المطار، ثم خرج ودخل من المنفذ البري بدون أي أختام... وهو موجود الآن بالكويت ولكنه "نظرياً" لم يدخل الكويت!
 

شفتو مصخرة اكثر من جذي...؟
 

أنا لا يهمني هذا الشخص، ولست أكتب هذا البوست للحديث عنه، ولكن اذا استطاع شخص بسيط كصاحبنا هذا أن يفعل كل ذلك.... فأصحاب النفوذ ماذا يفعلون ؟!

وما الذي يحدث كل يوم من قصص مشابهة وأسوأ لا نعلم عنها ؟!
 

والله مصخرة... البلد شلون قاعد تدار ؟

39 comments:

t7l6m.com said...

أفا لو كويت توك تدري عن هالسالفه
ما سمعت عن إللي يقبض ويطوف اللي عليه إلقاء قبض
أو منع سفر
والتسعيره حسب نوع القضيه
هذا إللي نقوله نتكلم عن فساد وعن نواب ووزراء ومسؤولين
والعله في أبسط المواطنين و الموظفين
من أمن العقوبه أساء الأدب

شاي الضحى said...

@@

كلام كبير

ديرة بطيخ

AuThoress said...

مسخرة نعم .. مسخرة لأن موظفين في أماكن حساسة في البلد... كالجنسية والجوازات يعملون فيها وافدين.. والكويت الآن لا تدار إلا بالواسطة و بروح "رئيس القبيلة" ... نخيتك .. عطيتك
ولا مكان للقانون إلا للمساكين اللي عايشين دور النظام والقوانين مثلي وأمثالي .. معلش
باقٍ وعمر الطغاة قصير

الحياة حلم said...

فساد و فوضى و طائفية
و مؤخرا شبح انقطاع الكهرباء
اهلا بكم بلبنان الثاني

why me said...

وييييه


ضاق خلقي

أبو الدســتور said...

بالفعل
قاعد يحص يوميا
لكن السؤال هل هناك ادارة للتفتيش و الرقابة

هل هناك جهة استخباراتية كالموجودة في الجيش والتي يرتعب منها الصغير الكبير

الجودي said...

مو يديده هالسالفه من قبل الغزو

قبل إلي كانوا ينحاشون من التجنيد يسافرون و يردون بحريه بالواسطه مع إن عليهم أمر ضبط واحضار يعني مو شي يديد و الحين السالفه الأمر لما يسوون جوازات و يطلعونها لأشخاص بدون على أنهم عيالهم مقابل فلوس و يمر فيها الحدود و السيارة مافيها ناس بعدد الجوازات أعتقد سالفه صايره جذي من فتره قالوا لي عنها ومو متأكده منها وايد أيام التجنيد أنا متأكده منها 100 % و هذه الكويت صل على النبي

اللهم صلي و سلم عليه
وهذه مو مصخره هذه اتخوف لما المنافذ تكون خري مري لكل من يبي يمر
ربي يحفظها

و الله المستعان

SHOOSH said...

هممممم

Girls and Kuwait City said...

ما اصدق!!! وصلنا هالمرحله ... انا ع بالي اقوى سالفه سمعتها ان واحد و مرته رايحين علاج بالخارج بالمانيا و امه و خواته لندن ... ينقي الاخ وين يسافرون اهله!!!

نمووول said...

ديرة بلح مو بطيخ
تصدق امس زرقنا الفجي
واحنا رادين ما فتشونا ولا فتشوا اي
سيارة جدامنا انا استغربت
لان معانا بالدبة 3 مطارات اسفنج
يعني اقدر احط فيهم هيروين ولا قنابل
طلعت السالفة فاهية اكثر
دام هذا طاف من غير لا يختم

يمهل ولا يهمل

شكراً

نمووول said...

ديرة بلح مو بطيخ
تصدق امس زرقنا الفجي
واحنا رادين ما فتشونا ولا فتشوا اي
سيارة جدامنا انا استغربت
لان معانا بالدبة 3 مطارات اسفنج
يعني اقدر احط فيهم هيروين ولا قنابل
طلعت السالفة فاهية اكثر
دام هذا طاف من غير لا يختم

يمهل ولا يهمل

شكراً

سلة ميوّة said...

WOW!!!


والله شر البلية ما يضحك!!

Anonymous said...

هالامر قديم وليس جديد
الحبيب وحده من ثنتين
يا اما ما خلص علاجه بالخارج ويبي يدخل ويطلع بدون تسجيل علشان ما يقطعون علاجه
او انه خلص علاجه وما يبي يباشر عمله في الصيف
فيخلي علاجه في الخارج مستمر وتاريخ دخوله متى ما بغى يداوم
----
بالنسبة للاخو اللي يسال عن التفتيش في النويصيب
هو اجراء طبيعي
مو ضروري تفتش كل سيارة
في مطارات اوروبا وامريكا
تاخذ شنطتك وتطلع مع الباب ومحد يقولك وين رايح

عين بغزي said...

الفساد موجود في كل مكان في العالم

ولكن حجمه و قوته ومحاربته من بلد إلي بلد تختلف ..!!

alsyasya said...

الواسطة فوق القانون

اذا عندك واسطة تقدر تهرب اوادم مو آدمي واحد

بس اللي يقولون انه السالفة هذي قديمة يمكن صح قديمة بس الحين كثرت وايد وصارت عيني عينك قبل بالخش والدس

الله يستر وقواك الله

le Koweit said...

تحلطم/

والله ياخوك انا على نياتي
توني ادري ان الديرة سايبة لهدرجة @_@

صج صج مصخرة
الله يستر عالبلد

حياك الله

le Koweit said...

شاي الضحى/

اي والله
:/

حياج الله

le Koweit said...

اوثوريس/

ماكو وافدين بهالاماكن؟!
كلهم كويتين!

وصدقت للاسف اصبح لا مكان للي يحترم القانون بهالبلد

حياك الله

le Koweit said...

الحياة حلم/

مصايب متلتلة على قولة المصريين :/

حياج الله

le Koweit said...

واي مي/

حتى انا والله :/

حياج الله

le Koweit said...

ابو الدستور/

والله ما اعتقد
مراد راعي البقالة يدير بقالته
احسن من ادارة ربعنا للديرة !

حياك الله

le Koweit said...

الجودي/

يلا هم هذي سالفة جديدة توني اعرفها
بس اوكي اللي راح راح خليه
المشكلة ان هالموضوع موجود الحين !

حياج الله

le Koweit said...

شووش/

هممممم 2


حياج الله

le Koweit said...

جيرلز اند كويت/

لووول لا يبا
صج اللي قال عش رجبا ترا عجبا
واضيف عليها في الكويت :/

حياج الله

le Koweit said...

نموول/

لووول سالفة التفتيش هذي صارت عادية
خل المنافذ
انا مرة بالمطار على جزام الجناط اللي يشوفون اذا فيها معادن ولا لا
قاعد اراقب الشرطي اللي عالجهاز
والله طايحله سوالف ولا يدري عن هوا دار الشاشة
لو يمر كلاش جدامه والله ما يدري عنه
@_@

ديرة ماشية عالبركة

حياك الله

le Koweit said...

سلة ميوة/

اي يضحك الا يبجي :/

حياج الله

le Koweit said...

غير معرف/

لووول اهو واحد من السببين اللي قلتهم :)
بس مو مهم السبب
نبي نركز عالسالفة...

حياك الله

le Koweit said...

عين بغزي/

وبديرتنا صار الفساد بكل مكان
للأسف !

حياك الله

le Koweit said...

السياسية/

صح كلامج
للاسف الواسطة صارت تسوي كل شي بهالديرة
شي مؤسف...

حياج الله

ميمة السبيت said...

** دي عالم واصلة يا بنتي هذي الواصطة و ماتسوي و ما خفي أعظم

le Koweit said...

ميمة السبيت/

اي والله
بس انا واحد مو وحدة يبا :)

حياج الله

مشاري said...

السلام عليكم

عادي :) اذا بنجرجي من حدا الدول العربية اللي عندها مغارة بيطلع ويدش على راحتة و اهو عنده قضايا خيانة امانة و فليسات فا ما بالك بغيرة؟

أخوك مشاري السندي

فريج سعود said...

ما خفي اعظم

le Koweit said...

مشاري/

اهلين بدصيق المدونة الصدوق :)

والله مصيبة يا مشاري الدعوة صارت مصخرة جد جد !

الله يستر عالبلد

حياك الله

le Koweit said...

فريج سعود/

هذي المشكلة :/
مصيييبة


حياك الله

Sami said...

كارثه مو مصخره

Blog 3amty said...

بطيخ !

le Koweit said...

سامي/
صدقت والله !
الله يعين

حياك الله

le Koweit said...

بلوق عمتي/

للأسف أي :/

حياك الله