Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Sunday, August 29, 2010

غلطت.. وسأصلح غلطتي





أشعر أني غلطت حنيما امتدحت مسلسل زوارة خميس قبل أسبوع تقريباً، وندمت، وأشعر أنه يتوجب علي أن أصلح غلطتي !


فبعد أن اعتقدت أن المسلسل أفضل الموجود حالياً، لأسباب ذكرتها حينها عندما قلت أنه خلا من الإسفاف والإبتذال والوقاحة، اكتشفت أنني استعجلت بالحكم وأنني كنت مخطئ تماماً، فالمسلسل حمل من الوقاحة والإسفاف والإبتذال -خلال الأسبوع المنصرم فقط- مالم يحمله أي مسلسل آخر، ولا حتى مسلسلات فجر السعيد !

واخطأت حينما اعتقدت أن كاتبة المسلسل هبة حمادة أبدعت، بل كانت على النقيض من ذلك تماماً !


القصة كلها تدور وتتمحور حول العلاقات المحرّمة بين الجنسين -بل المتزوجون منهم تحديداً!-، المشاهد مليئة بالإيحاءات الجنسية المقززة التي يندى لها الجبين، بل تعدى الوضع مجرد الإيحاءات فأصبح نص وحوار صريح !

لا توجد شخصية سويّة في القصة كلهم منحرفين من أكبرهم إلى أصغرهم !

عمل جداً تافهة، هذا وأنا لم أتكلم على الإخراج الذي يتحفنا كل حلقة بغلطتين أو ثلاث على الأقل.


المشكلة أن من يُعتبرون "نجوم" في هذا المجال قد أقبلوا على مثل هذه الأمور، ورضوا بمثل هذه القصة وبمثل تلك المشاهد... فما الذي تبقى لصغار الممثلين إذاً؟

مجرد تشويه لصورة الكويت والكويتيين.

مسلسل تافهة وهابط إلى أبعد الحدود، وكما أخطأت في امتداحه حينما اعتقدت أنه مسلسل جيد، ها أنا أنتقده وأذمه حينما تجلّت لي الحقيقة.


ولا طبنا ولا غدا الشر... مازلنا نفتقر إلى كتّاب ومؤلفين مبدعين ينتشلون الفن الكويتي من الوحل والقذارة التي هو ناقع بها اليوم.

49 comments:

panadool said...

عاد مسجل أكثر نسبة مشاهدةمن بين المسلسلات

YusuF.AsKR said...

هالمسلسل يروج للدياثه وقلة الأدب والبيت الكويتي أشرف وأطهر من هالقصه وكاتبتها

Kuwait10 said...

صدقت يا أخوي شهالعايلة اللي ما فيها واحد صاحي والتركيز كله على مشاكل "أخلاقية" تتضمن مشاهد وحوارات جريئة جدا تصدم المشاهد.

ebtsamh said...

تصدق آنا بعد كنت انه الافضل

بس تحسفت

من كبيرهم لصغيرهم عاهات

العيال فتانين , الازواج كلهم خاينين

الكويتيين يلعبون بالفلوس لعب وما

تهمهم البيزة ! وكله كوم والهام

والمنصور ياربي اختي الصغيرة تسالنيي

شنوالشيء اللي صار والهام ما رح تسامح

نفسها عليه؟ صراحه ما يليق برمضان

هالمسلسل

الراية said...

هالمسلسل مسبب ازمه عندي مليت من كثر بلاويه احس انه العايله كلها عفطيه وسرسريه

حتى ام نصنص !!!

الوحده الوطنيــــه said...
This comment has been removed by the author.
الوحده الوطنيــــه said...

اكثر شي يعجبني بالتلفزيون برمضان

" مدفع الافطار "
لاحظ اللي يقولون جاهز ارمي
ما يتغشمرون
:)))

le Koweit said...

بنادول/

نسبة المشاهدين ماهي معيار للعمل الجيد
:)

حياك الله

le Koweit said...

أبو غرايم/

صدقت والله...
يروج لكل مهو كذب

حياك الله

le Koweit said...

كويت10/

مو جريئة لا لا
الا وقحة
لان فرق بين الجراءة والوقاحة :)

حياك الله

le Koweit said...

ابتسامة/

كلامج عدل والله
وقبل كنا نقول فجر السعيد وفجر السعيد
الحين طلعت فجر يحليلها عند هذول ..!

حياج الله

le Koweit said...

الراية/

لووول
وانت صاج والله :)

حياك الله

le Koweit said...

عاضة/

لووووول
اشكالهم عجيبة
كل يوم شكل :)

لا وكله كوووم
ولا يرمي فجأة بدون لا يقول جاهز
كوم ثاني لوووول
تشوف الناس اللي يمه شلون يتناقزون من الخرعة
:)

حياك الله

الوحده الوطنيــــه said...

الله يحييك و يبجيك يالشيخ

تصدق يا الزين اني كل سنه اودي
اليهال اوريهم المدفع و تالي نروح
نفطر بالمباركيه
بس هالسنه ما رحت
كله متثيقل
بس هالاسبوع اوديهم ان الله كتب

و علشان تعرفني
راح احط لافته اكتب عليها
عاضـــه يحيي حقوقي
:)))))
تصبح على خير :)

le Koweit said...

عاضة/

لوووووووول
راح ادور بالحاضرين هاللافتة :P

حياك الله
وانت من اهله الخير :)

Anonymous said...

من عقب هالمسلسل ... زعلت منك يا محمد المنصور

صفحات مُلطخّة بحروفي said...

نفس الحالة ..
توقعته يكون الأفضل ، لكن صدمني !
شنو هالجرأة ، لا مو جرأة إّلا وقاحة !
ما توقعت إنّا مُسلسلات الكويت بتوصل لهذه الدرجة من الوضاعة !
-
والمشكلة إنه فيه نسبة كبيرة من الأطفال يتابعون هالعمل ..
-
نطروا لي 2012 بيصير كل شي مُباح بالقنوات الكويتية !
-
توقع الغير مُتوقع

Anonymous said...

والله انا رجال واتابع المسلسل ومستحي اشوف هالمستوى الهابط
حتى مشهد الاصنصير عدته ثلاث مرات والله في البدايه مافهمت لاني ما توقعت هالجرأه

انا مع الطرح الجرئ اللي ما يخدش الحياء واللي يكون هادف يعني مو بس تقدم المشكله للناس الاهم انك تطرح حلول

بس المشكله ان هذه المسلسلات تشوه السمعه انا ادرس بالخارج واكثر الخليجيين ماخذين صوره عن الكويت من المسلسلات ومن حليمه (الله يستر عليها ويهديها)
يا ناس صوره البلد يجب ان تقدم بمسؤوليه

لا وما يبون رقابه الا رقابتين مو وحده
لا تلوموني حدي معصب وزعلان

ويسلموا

نمووول said...

كلنا غلطنا مو بس انت
لكن مستوى المثل اكثر من جيد
المشكلة بالقصة بدت تاخذ منحنى بايخ
ولاحظت ان الكاتبة تحب تقطع من المجلات وتلصق بدفترها ,,

بس ليلحين اعتقد انه من افضل مسلسلات رمضان هذه السنة على الاقل الابطال تمثيلهم ممتاز ,,

Anonymous said...

يا جماعة شسالفة ما تلاحظون صرنا نبالغ بردات فعلنا يعني إما حلو حيل أو ما يمثلنا وما يشرفنا وهالمصطلحات اللي يستخدمونها المتعصبين ... المهم القصة أجبرتنا على متابعتها وفيها الحلو والشين ...

Sami said...

صح لسانك ...انت ما غلطت ..انت ما توقعت انها راح تنزل بمستوى الحضيض

الجودي said...

صباح الخير

أأيدك في كلامك

:)

مشاري said...

السلام عليكم

عادي يا حقوقي شالمشكلة :) مع الايام بتشوف ان نسبة المشاهدين راح تزيد

بسبب احداث المسلسل الهابط

تقبل تحياتي

مشاري السندي

Someday said...

اشوه اني بطلت اشوفه من الحلقه الثالثه قبل ما تطلع البلاوي
what made me stop watching it was that the first two episodes were just some parts of other episodes from here and there glued together
you can tell when a person has that at first means they have nothing to offer later

why me said...

لاعت جبدي


من بدوا يخورونها

ebreeq said...

الحمد لله اني ما اتابع شي برمضان


لامسلسل لا برامج دينيه
شغلي ماخذ وقتي كله


اذا في وقت ألعب جنجفه عند الربع

أو أشرب شاي وروح:))


وصلى الله وبارك



شرايك بمسلسل خالد الفضاله

:))

كان خالي من الكرامه وكله تمثيل غبي
حتى الوطن اللي آلئ أن لا يبيعه إنباع أخر الحلقه...

ياحليل الكويتيين شكثر يحبون الحمام القلابي
:)

طيب احترموا عقولنا
لكن كان اللقاء حميم والشاي خدري


آسف دخلت موضوع بموضوع

بس كان العامل المشترك
بين المسلسلين واحد

:)
إنت قوله

Seema* said...

لا فض َّ فوك! :)

Anonymous said...

الشرهه مو عليها على الممثلين اللي قاعدين مثلون عملها الوصخ والحقير.

انا منقهر مبطوطه جبدي ومرتفع ضغطي بعد، ممثلتي المفضلة اغتصبوها بمواقف السيارات (واهي متزوجه وحامل بعد)! واللي يقهر ان نص الاغتصاب امس ونص الاغتصاب في حلقة اليوم!

شنو هالارف في رمضان، سمت بدنا يعلها الشقول الحين.

انسانه فاشلة ماتعرف تكتب. ناس تقول ان هالكاتبه قاعده تييب طاري ملاحظات مهمه، اوكي فهمنا، لكن ليش المبالغه؟ يعني وصلت الفكره وكان ممكن يتم علاجها لاكن ليش الارف الزايد؟

هذي الكاتبة هبة حمادة مادري شسمها انسانه فاشله بالكتابه ومعقده تحتاج علاج نفسي بأسرع وقت ممكن.

le Koweit said...

غير معرف/

ما الومك
حتى انا !

حياك الله

le Koweit said...

صفحات ملطخة بحروفي/

والله حتى انا
قمت اتساءل شنو بقى ما يسووا بيسوونه بالمستقبل .!
الله يستر منهم

حياج الله

le Koweit said...

غير معرف/

والله اتفق معاك
بهالامور وبهالمصخرة مو رقابة وحدة
الا رقابتين
ويقولون فن !
طل بعينهم فن

حياك الله

le Koweit said...

نموول/

لا والله لا افضل ولاهم يحزنون
في مسلسلات احلى منه
وانا تحسفت اني ضيعت وقتي بمتابعته ..

حياك الله

le Koweit said...

غير معرف/

هذي ماهي مبالغة
انما رد على وقاحتهم واسفافهم
والقصة مافيها حلو والله
بالبداية كنا صابرين عليها مع ان ماكو احداث
الحين علبون بتحط احداث
حطت مصخرة وقلة ادب !!

حياك الله

le Koweit said...

سامي/

اي والله ياالزميل
اصدمتني !!

حياك الله

le Koweit said...

الجودي/

صباح الورد
مشكوور :)

حياج الله

le Koweit said...

مشاري/

مثل ما قلت حق بنادول
نسبة المشاهدين ماهي معيار نجاح
الناس تدور الفضايح وهالسوالف
لا اكثر ولا اقل :)

حياك الله

le Koweit said...

سومبدي/

زين تسوين يمعودة
افتكيتي :)

حياج الله

le Koweit said...

واي مي/

ما الومج
كلنا لاعت جبودنا منهم !

حياج الله

le Koweit said...

ابريق/

لووول زين تسوي
المسلسلات مافيها خير :)

اما مسلسل خالد
لووول صراحة جدا بايخ
وانصدمنا من نهايته :)

لوووول

حياك الله

le Koweit said...

سيما/

مشكوورة :)

حياج الله

le Koweit said...

غير معرف/

اتفق معاك بكل اللي قلته
والله صج لوعوا جبدونا
وقاعد يحطون اشياء مالها داعي

وكلنا انخدعنا بهبة حمادة
عبالنا بتطلع خوش كاتبة
طلعت مثل الباجين لاا واردى بعد..

حياك الله

alsyasya said...

مشاهد المفروض ما تنعرض ولا تنكتب في الايام العادية فما بالك برمضان !

مشوهين صورة العائلة الكويتية والمشكلة ان دول الخليج راح تاخذ فكرة ان مجتمع العائلة الكويتية فاسد ومنحرف

~أم حرّوبي~ said...

صدق مافي حد صاحي بهالمسلسل ..مسكين سالم اللي ما يخصه واللي كان أطيب واحد موتوه ..عشان ما يصفى فيهم واحد زين

le Koweit said...

السياسية/

كلامج عدل والله
مشاهد بالايام العادية مو مقبولة
فما بالج برمضان بهالشهر الفضيل !

حياج الله

le Koweit said...

أم حروبي/

لووووول
صح كلامج :)

حياج الله

Unknown said...

أنا معاك صح كلامك

انا said...

بصراحة انا من المتابعين للمسلسل وكان في بداياته شي حلو ولو انه مبالغ في بعض الامور

بس كان التقييم كله على بعض جيد

بس بعد ما تدراكت الاحادث وكثرة الفتن وقلة الادب بصراحة صار شي نخجل انه نشوفه

فللأسف شوهت صورة الكويت بالخارج على الرغم من انها سذاجة من الكاتبة وادخل العادات الدخيلة علينا

واشكرك على الطرح بأنتظار مواضعيك الاخرى

le Koweit said...

أميرة عربية/

شكرا لج :)

حياج الله

le Koweit said...

بيبا/

كلامك عدل
اللي خلا الكثير يتابعون وانا منهم
ان بداياته كانت حلوه
لكن للاسف انحدر وبشدة ...

حياك الله