Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Saturday, July 10, 2010

بغيناها طرب صارت نشب





"بغيناها طرب صارت نشب"... هذا المثل ينطبق تماماً على وزارة الداخلية اليوم، فبعد أن فتحت الباب للنساء للدخول في سلك الشرطة، وقامت بتوفير المكان والجهد والمال لتدريبهم، وثم تخرجوا وارتدوا زي الشرطة وعلقوا شعار الدولة فوق رؤوسهم، وأصبحت طرباً في عين الوزارة، لتتحول من حيث لا يشعرون إلى نشب ما بعده نشب !




«مستهترون» يتحرشون بالشرطة النسائية في المجمعات التجارية!

كتب خالد العصيدان:
من المعروف ان الشرطة النسائية وجدت لحماية الناس.. وليس لحمايتها من المتحرشين والمستهترين والذين لا يقيمون للقانون او الاخلاق وزناً.. وهذا ما حصل مساء أمس اثناء قيام عناصر من الشرطة النسائية بجولة في المجمعات التجارية وعند خروجهن من احد مجمعات شرق توجهن الى المجمعات في منطقة السالمية قام عدد من الشباب المستهترين بملاحقتهن والتحرش بهن ومعاكستهن مادفعهن الى طلب الاسناد من دورية رجالية تابعة لدوريات نجدة العاصمة لحمايتهن من الشبان «الصايعين» الذين تابعوهن حتى دخلن الى مجمع السالمية ولم يتوقف مسلسل المعاكسات الامر الذي جعل رجال مباحث محافظة حولي يتبعون المتحرشين.
وقال مصدر امني لـ «الوطن» انه تم القبض على عدد من الشبان وتحويلهم الى مخفر المنطقة لينتهي بهم الامر على الصفر.
منوهاً ان الشرطة النسائية وضعت كطعم للقبض على هؤلاء المستهترين الذين يقومون بالتحرش بالفتيات.
المصدر: الوطن
 
 
 
بدال لا يفكّون العالم الحين حتى ما سلموا على روحهم... اهم يبون اللي يفكهم...
 
 
 
نقطة أخرى أحب أقولها لوزارة الداخلية... "لا ترقعونها"...

... منوهاً ان الشرطة النسائية وضعت كطعم للقبض على هؤلاء المستهترين الذين يقومون بالتحرش بالفتيات.
 
 
شدعوة يبا متعبين نفسكم ومدربينهم وقاطين عليهم شيء وشويات عشان يكونون "طعم" !
أشوف هالطعم طلع عليكم أغلى من بيع السوق !
 
وبعدين شنو هالطعم ! وعلى أي أساس تحطون طعم للعالم ؟
وين قاعدين ؟
 
لا ترقعونها بس.. المصدر الأمني اللي مصرّح للجريدة يبي يكحّلها عماها...
قال طعم قال :)
 
 

28 comments:

Anonymous said...

ههههههههههههههههههه

لا مو صج سالفة الطعم

وطالبين إسناد من دوريه رجاليه

شنو هالمصخره

؛-)

Anonymous said...

هههههههههههههههههههه

يبا هالشرطة النسائيه مالها داعي

يعني يا ناس شوفوا

احنا ترا عندنا شرطة نسائيه (بالكويت)

وهالشي يعتبر بالنسبه لوزير الداخليه انجاااااز

0_o

من كثر مشاكل الحريم بالمجمعات عاد عشان يحطون شرطة نسائيه !!

مجرد فشخره ومنظررر لا اكثر ولا اقل

Anonymous said...

هههههههههههههههههههه

يبا هالشرطة النسائيه مالها داعي

يعني يا ناس شوفوا

احنا ترا عندنا شرطة نسائيه (بالكويت)

وهالشي يعتبر بالنسبه لوزير الداخليه انجاااااز

0_o

من كثر مشاكل الحريم بالمجمعات عاد عشان يحطون شرطة نسائيه !!

مجرد فشخره ومنظررر لا اكثر ولا اقل

نمووول said...

هههههههههه
مسدسات الماي ما نجحت
توني كاتب عنهم وترقيعه المصدر تفشل


المشكلة بالحواجب والنظارات الي لابسنها, وبعد ماعندهم سلاح
باختصار (ما يخرعون)
تحياتي

enter-q8 said...

ما ادري ليش اشوف موظفة الجوازات المدنية لها هيبة اكثر من الشرطة النسائية يرحم والديك شوف الصورة اللي حاطها
شلون الاخت حاطه ايدها بمخباتها

الجودي said...

مو المفروض مدربين و عندهم سلف دفينس شماله الأمداد عيل ومنو بيلحقهم غير المراهقين أو ناس ما عندها تقييم للأمور معقوله ما يقدرون يدافعون عن نفسهم أشلون بنثق فيهم و بعدين شنو طعم عيب هالكلمه بحقهم يعني لما تسالها شنو انجازج كنت طعم لمراهقين أشدعوه تجار مخدرات و طعم يغازلونه صج فشله و عيب يعني ترد اتسولف اليوم غازلوني وأيد مثلا ؟ ؟ شنو هالمنطق في التبرير إلي يقلل من الاحترام

Sami said...

مع الشرطه النسائيه ..للقبض على النسرات الي تارسين الديره هاليومين

hamasate said...

أحزن كثير عندما أسمع هذا الكلام .. وتشوف هالأمور .. المرأة بشكل عام وخاصة الكويتية لها طبيعتها الخاصة .. وسامعنا من عادتنا وتقاليدنا ولا من دينا شي من هذا .. آخر زمن البنت الكويتية تصير شرطية .. لا وتصير إطفائية .. هذي حرية المرأة إلي يبيونها بعض الناس !!!
حرية المرأة وانفتاح المرآة ما يكون إلى بديت تحوس بالمجمعات ؟؟؟!!!!

لا والأخ يكون طعم .. عيب عيب عليكم يا وزارة الداخلية .. بنات الكويت قاموا يصيرون طعم حق الحوش وأشكالهم ..
الذي يحصل هالأيام هذا إهانه للمرأة وليس تكريما لها .. :(

بس الله يحفظ بناتنا .. 

why me said...

اي بعد هذي اخرتها


ولا هالشباب اذا الرياييل ما يخافون منهم هالمره بيخافون من الشرطه النسائيه




هــــزلت

TaZmaNiA said...

لول صدقت بالمثل لكويتي :)

le Koweit said...

لوير/


لوووول
حدها مصخرة والله :)


حياج الله

le Koweit said...

غير معرف/

اي يبا السالفة منظر بس
مالهم اي فايدة ولا عايدة
:)

حياك الله

le Koweit said...

نموول/

لوووول

والله جبتها صح
ما يخرعون :)


حياك الله

le Koweit said...

انتر-كويت/

عدل كلامك،
لان الموظفة المدنية متعودين عليها
فنحترمها عادي
اما هذي شي جديد
وعلى قولة نمول ما يخرعون :)
يعني مالها اي هيبة..


حياك الله

le Koweit said...

الجودي/


المفـــــروض
والواقع شي ثاني :)

وبعدين مادري شلون قاطين بنات العالم طعم
الحمدلله والشكر..


حياج الله

le Koweit said...

سامي/


لوووول
النسرات يبيلهم ونشات وحياتك مو شرطة نسائية :)


حياك الله

le Koweit said...

هاماستي/

فعلا كلامك اخوي
يبون يدخلون بكل شي
حتى بميادين الرجال..

والحين قطوهم طعم..

الله يهديهم بس :)


حياك الله

le Koweit said...

واي مي/


لوووول على قولتج
ومثل ما قال نموول ما يخرعون :)


حياج الله

le Koweit said...

تازمانيا/


لوول تحسه راكب على الموقف :)

حياك الله

الزين said...

ههههه

كويتيين ماكو فايده

:)

le Koweit said...

الزين/


لووول
اي والله صاجة :)


حياج الله

عين بغزي said...

الموضوع هذا مو داش مخي وكلش مو وقته شرطة نسائية

panadool said...

هالخمه ماينفع معاهم إلا التقريع وتحط صورهم بالجرايد

وإذا عادوها فلقه بالمخافر

أدب سز

NafNoof's said...

اي شي حاطيينهم طعم, يعني مقطعين الجمال فاللي يشوفهم راح يموت من جمالهم؟؟؟ وين قاعدين؟؟؟
انتوا اللي مو قد السالفة بالأساس لا تحطونهم ولما تتوهقون فيهم لا تفشلون روحكم و تنزلون بيان تعلقون فيه على هالمسخرةواش هاشرطة اللي تبي لها شرطة تحميها؟؟؟

le Koweit said...

عين بغزي/


مو وقته اليوم وبكرة واللي عقبه بعد :)

حياك الله

le Koweit said...

بنادول/


لووول
خل هالخمة عنك الحين
احنا موضوعنا هالشرطة النسائية :)

حياك الله

le Koweit said...

رنوف/

لووول
اي والله
شرطة تبيلها شرطة تحميها :)
مصخرة

حياج الله

le Koweit said...

الراية/

لووول اي اي عدل
اول شي قالوا حق المطارات ومادري شنو
اشوف مصخوها الحين...
والله وزارة ضايعة :)

حياك الله