Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Tuesday, July 13, 2010

ساحة الإرادة مالتكم





انت ما قدرت تحمي مؤخرتك تبي تحمي مسلّم؟ ..
خدودك وصماخك منتفخين من خير الشيوخ ..
منو انت اصلا عشان تنصح؟ ..
انت حتى دبي ما رحت شعرفك بالنصيحة ..
دجال... كذاب ..
خبيث... عقرب ..
زين سووا فيك الوطن ..
علي الخليفة أشرف منك مليون مرة ..
بس انت ونسيبك مسلّم الوحيدين الشرفاء بالكويت ..
مسلّم بيحط نفسه شيخ مطير ..
لو الله يفكنا منك ومن أشكالك جان الديرة براحة ..
لو كلهم مرة وحدة جذي سكتة قلبية جان زين ..
طول ما في أمر من النيابة انت تنطم وتسكت ..
يا بابا انا ماني عارف انت شنو مؤهلاتك؟ ..
اقص ايدي اذا تعرف حتى تكتب بونسوار ..
انت منو؟ تاريخك منو؟ ..
انت تاريخك مزفت ..
مسلم البراك جنه الدلّال ..
انا حالة شاذة ومن القلائل اللي مستعد اوقف في وجه الكذب والدجل ..
قو*د وما قو*د ..
طز فيك وفي المدونات ..
ظز فيكم وبساحة الإرادة مالتكم ..
الزبالة الي يروجها محمد الجاسم وربعه ..
انت محامي وفاشل ..
الديين انت تكتب 40 سنة محد درا عنك ..



......


أولاً، أعتذر عن الكلام أعلاه، ولكنه كان جزء مما قاله نبيل لفتة من حلقة أحد البرامج على سكوب، فحينما كنت أقلّب بالقنوات صادفت وجهه القبيح على سكوب فقلت "أتسلّى".

ولاحظوا أنني لم أشاهد الحلقة من بدايتها ولم أشاهدها إلى النهاية فقط شاهدت ما يقارب نصف ساعة لأخرج بهذا الكم الهائل من الكلام القذر المنحط !

الحقيقة أنا مستغرب شنو هالبرنامج الفاضي اللي مخصص حلقة عشان يتكلمون عن محمد الجاسم !
أوكي آمنا بالله يبي يتكلمون عن محمد الجاسم، مسلم البراك شكو !!
كل شوي مسلّم ومسلّم ومسلّم ومسلّم ؟! الظاهر حيل معورك بو حمود يا نبيل ؟!

وبعدين تبي اتكلم عن محمد الجاسم انتقده نقد موضوعي انتقد مقالاته انتقد أفكاره... لكن شغل سب وشتم وكلام شوارع نفس مستواك فهذا أمر غير مقبول أبداً !
وشنو هالكلام؟ انت ما تدري انها قناة مفتوحة ويطالعونها حريم ويمكن أطفال مو مثل القنوات المشفرة التي تملأ تلفزيونك يا لفتة !



أعتقد "النباح" اللي قرأتموه بالأعلى كافي لتعرفوا مستوى نبيل لفتة غير المحترم، ويقول "ساحة الإرادة مالتكم"... صحيح كلامك، لانها مالتنا احنا الكويتيين، اللي انت مو منهم !

وعاشت الوطن اللي هؤلاء كتّابها...

28 comments:

عين بغزي said...

عزيزي لوكويت

للأسف انهم لم يجدوا ورقة تدين أبو حمود عشان جذيه يضربونه بأبناء قبيلته
وانا اقول لهم والله ثم والله ثابتون
ولا محتاجين شهاده من ساقطين القوم ليتكلموا ويقتصوا من امجاد القبيله


و ثانيا

كبر راسك ومره ثانية حط علي قناة ام بي سي تو و تابعلك فلم :))

le Koweit said...

عين بغزي/

كفو وما يحتاج
وبو حمود انا ما اعتبره ملك لمطير بروحهم
لا لا بو حمود ملك للكويتيين كلهم :)


وثانيا
لوووول
والله ام بي سي تو كانو حاطين فلم بايخ
شسوي اضطريت انزل شوي تحت :)

الجودي said...

تدري أخوي وأنا أقرأ كلامك الجزء الأول نشف ريجي قلت علامه شنو هالاسلوب لا لا بس الحمد لله طلع نقل ....

شوف عندنا مثل يقول لحية أحشمها ولحية أحشم نفسك عنها و الناس إلي من نمونة هالغير فضل تحشم روحك عنهم وايد أبرك أهو شنو قدره و لا قيمته أذكر من فترة كانت له مجموعة مقالات للأسف ما أذكر موضوعها غير أنها سيئة جدا كوني امحي من ذاكرتي أمثاله بسرعه الحمد لله

لا تقث روحك يا خوي و كل إناء ينضح بما فيه

Anonymous said...

قلت من قبل

أخو سليمة من ينشره عليه

تحياتي

فريج سعود said...

مريت على القناة وشفت البرنامج بس ما قدرت اكمله بسبب اداء المذيع المزييف بعكس البقية المسخرة كان اكثرهم تمثيل بشكل واضح

ولا العادة طاقتي على تحمل الملاقة هائلة بس هالمرة ما قدرت



اليوم مريت على سايت سموه بالصدفة

مسكين السايت وراعيه

le Koweit said...

الجودي/

لوووول
لا الحمدلله هالكلام ما يطلع مني انشالله :)

مثل ما قلتي والله
كل اناء بما فيه ينضح
واهو قاعد ينضح من اناءه الخايس :)


حياج الله

le Koweit said...

غير معرف/


صدقت والله ياخوي :)
ما عليه شرهه....


حياك الله

le Koweit said...

فريج سعود/


اي اي عدل والله
المذيع هذا فلم ثاني ما تكلمت عنه
شنو جذااااااااب شدعوة احترم عقولنا :/
تدري لان اصلا اللي يتابع هالقناة بدون عقل
مع احترامي للي يطالعها


بس شفيه السايت؟
جنه عاجبك :)

حياك الله

مَـــــعْــــمَــــعَـــــه said...

اولا كل اناء ينضح بما فيه وهذي بيئه لفته نوري مو غريب عليه قلة الادب والمستوى الهابط

ومسلم وحتى الجاسم مو معورينه اهو معورين معازيبه .. وبالنهايه المقابله بسكوب وهذا مستواها

panadool said...

نبيل الفضل
جريدة الوطن
قناة سكوب
محمد الجاسم




فوقهم غاز وبعدها جبريت

وتشب فيهم

مولأني أختلف معاهم

بل لأنهم من الرموز الواضحة للفساد والتملق بالكويت


الله يعين الناس على هالأشكال

الزين said...

@@

تصدق اول ما قريت البوست قلت شفيه الكويت يخوره

تالي انصدمت

استغفر الله

كل اناء ينضح بما فيه يالشيخ
والمرء مخبوء تحت لسانه

هذا اذا لسانه قذر هالشكل
اخلاقه شلون؟

اللهم احفظنا

جاكليته said...

ما اقول الا الله يحفظ ديرتنا ..
واتمنى من قناة سكوب انها ما تكون سبب في زرع الفتن في الكويت ..
ما اقول الا لاحول ولا قوة الا بالله

aL-NooR . said...

الله يغربل بليسك
انصدمت !! قلت مو معقوله



هذي الدنيا ..انواع بشر ..مختلقة
تشوف نوعياة بشر تحس اول مرة يمرون عليك ..و كل ساقط له لاقط


********************

Sami said...

انا معاك ان الاسلوب منحط و اسفاف ما بعده اسفاف ..و لكن اذا سوينا منتاج على كل الكلامات القبيحه و مسحنها من الحوار ..صدقني كلامه في جزء كبير من الصحه

مشكلته اسلوبه الواطي

Girls and Kuwait City said...

صباح الخير لو كويت
انا شفتها مثلك و نفس الفتره و زعلت مو عشانه لانه مو كفو ولا على الكلام اللي قاله لان ما اتريه منه احسن من هل الكلام ...زعلت على المستوى اللي وصلناله ...

عاجـل said...

هو بالفعل مسلي

خاصة لما يبلش تكانة وموضوعية

بعدين يخوره

لكن لا تكثر منه
مرة كل 3 أشهر كفاية

bo bader said...

العيب من أهل العيب مو عيب !!

le Koweit said...

معمعة/

عدل كلامك
اهو اقل من انه يكون له شأن عشان يعورونه
اهم معورين معازبيه :)
صدقت


حياك الله

le Koweit said...

بنادول/


اول ثلاثة اوكي
بس محمد الجاسم اختلف معاك
لانه مختلف عنهم

والدليل انهم يهاجمونه :)


حياك الله

le Koweit said...

الزين/


لوووول صدمة هاا :P

اي والله صدقتي
لسانه جذي شلون اخلاقه
الا قولي اهو عالتلفزيون وجذي لسانه
شلون مع ربعه ؟؟

حياج الله

le Koweit said...

جاكليته/


الله يهديج
قناة سكوب اهي راس الفتنة
شلون ما تبينها تزرع الفتنة :)


حياج الله

le Koweit said...

النور/


صح لسانج :)
كل ساقط وله لاقط
وما بغيت اقولها عشان لا يدخلون مسلم البراك بالسالفة
بس كا انتي قلتيها
صح لسانج :)


حياج الله

le Koweit said...

سامي/


يمعود صل عالنبي
اي حقيقة تاخذها من هالاشكال؟؟؟
الله يهديك بس يا سامي :)


حياك الله

le Koweit said...

جيرلز اند كويت سيتي/


صباح النور،،
دام هالاشكال يطلعون عالتلفزيون ويتكلمون ويكتبون
معلوم راح نوصل لهلمستوى :)

حياج الله

le Koweit said...

عاجل/

لوووول
اي هم انا قلت جذي
الاكثار منه تجيب الغثى الله يغثه :)


حياك الله

le Koweit said...

بو بدر/

صح لسانك :)
لا فض فوك

حياك الله

أبوفلان said...

الصراحه الكلام الي سمعته بمقابلته آنفة الذكر لايخرج الا من شخص خريج شقق الصفحات الأخيرة في الوطن والراي

أو شقق مجلة الجريمة المشبوهه

تحياتي للكويت اذا كان هذا من يدافع عنها

le Koweit said...

ابو فلان/

يخسون هذول يدافعون عن الكويت
تكرم الكويت والله

هذول قاعد ينخرون في جسد الكويت
مثل السوس بالضبط
ولازم ينداسون بالنعل حشاك...

حياك الله