Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Wednesday, November 17, 2010

تساؤل: الهجرة من الكويت




 طرحت مدونة صوت الكويت موضوع الهجرة من الكويت، وطرحت تساؤل هل موضوع الهجرة مطروح على الساحة بشكل جدي؟ هل هناك كويتيون يفكرون بالهجرة فعلاً من الكويت؟ هل أصبح مصطلح الهجرة من المصطلحات التي تستخدم في قاموسنا الوطني؟

أثار هذا الموضوع التساؤل في رأسي... أعلم أن هناك أناس يفكرون بالهجرة من الكويت، وأعلم أن هناك أناس هاجروا فعلاً، ولكن هل نستطيع أن نقول أن الأمر أصبح اعتيادياً في الكويت؟

أعلم أن الأسباب التي تجعل الشخص يفكر في الهجرة من الكويت كثيرة جداً، وأعلم أن هناك دول تجعل الهجرة إليها أمر مغري وسهل جداً... ولكن هل هذا بحد ذاته كافياً؟


باعتقادي أن الشخص الذي يهاجر أو يفكر بالهجرة تفكيراً جدياً هو شخص أناني، يقدّس مصلحته الشخصية المحدودة، وينسى مصلحة هذا الوطن.

إن الشخص الذي يفكر بالهجرة لمجرد أن هناك الكثير من المشاكل في الكويت، ويقرر أخذ الطريق الأسهل وهو الهروب بدلاً من المحاولة في إصلاح الأوضاع المائلة، لهو شخص أناني وبجدارة.


قد قيل قديماً "اللي مافيه خير لأهله مافيه خير للناس"... وأقول "اللي مافيه خير لوطنه وبلده مافيه خير لأي بلد آخر" !

31 comments:

عامر said...

مرحبا
لا أنانيه و لا هروب من مواجهه
لكن لا أعيش في بلد يتعاطى الدين كسلطه في المجتمع
و لا أقبل لأطفالي تعلم مفاهيم دينيه لا تعترف بالحاضر و المستقبل
مشكور

Anonymous said...

كل إنسان من حقه يعيش بالبلد اللي يعجبه

و لكل شخص أسبابه


لا يوجد بلد في العالم مافيه ناس من أبناءه عايشين برا

و حتى لو كان فيه ناس مهاجرين بسبب المشاكل و بحثاً عن راحة البال .. من حقهم ..

الانسان يعيش مرة واحدة ..

لو قعدوا للمشاكل هل راح نعطيهم أنا و أنت عمر ثاني يستمتعون فيه و يعيشون فيه بشكل طبيعي ؟؟

طبعاً لأ .. إذا مالنا حق نلومهم

الجودي said...

أوافقك الرأي

الهجرة سمعتها أكثر من مرة و للأسف وحده من هالمرات في بيتنا

:)

بالفعل الكثير من الشباب و الغالبية المطلع على الحياة خارج حدود هالديرة و الي يدرسون برة و يا سلام إذا كان تخصص مهم و في أمريكا لازم أول ما يرد يناقش موضوع الهجرة و عقب يستقر و تاخذة دوامة الحياة

أعرف بنوته تخصص قوي و انجاز في مجال تخصصها وفروا لها فرصة عمل و زوج و قعدة ماردت ..!!!؟

اتوقع الموضوع بس أنانية أنا أشوفه أكثر من جذي أنانية و انعدام ا لولاء بالكويتي منكر حسنه للبلد إلي علمتهم لو فيها إلي هو كفاية إنها طرشتهم بعثات بره

يحرون الله يهديهم و يحفظهم ويردهم

مساء ثاني العيد

Edrak said...

انا عن نفسي افكر بالهجرة و الاستقرار في الخارج ليس بسبب ان الاوضاع سيئة و لكن لان الشعب اضحى خانعا جازعا مشتتا لا تهمه كرامته و شعب بلا كرامة شعب لا يستحق الحرية

الدســتور said...

الله يستر على البلد
لكن الاصلاح قادم انشاءالله و تفائلوا بالخير تجدوه

الوحده الوطنيــــه said...
This comment has been removed by the author.
الوحده الوطنيــــه said...

خضيريه و رقيعيه و املهي ( امسري ) الرعيان

:))

هــديل said...

بالضبط يعتبر أناني..

الديرة بشدة و بحاجة لنا ,شلون نتركها و نروح..

و الله شبابنا فيهم خير , لو نصير على قلب واحد و نصبر ..راح ترد الكويت مثل ما كانت و أحسن..

لا تقولون ما بيدنا شي ..اخدم ديرتك بمكانك ..

طموحة مملوحة said...

ليش اناني ؟؟

اذا انت ماخذ حقك بديرتك وعايش برفاهية ترا في فقارة ومضطهدين بالديرة ومحد معطيهم اهتمام ومن حقهم يشوفون مصلحتهم طبيعي كل واحد يحب ويبي مصلحته عيل مصلحة البلد وموماخذ من هالبلط شي ولا مأمنة مستقبله ومستقبل عياله ؟؟ شيبي فيها يهاجر واهو مرتاح شيسوي اذا ديار الاجانب والي ماعندهم دين ارحم من ديار فيها دين ينادي بالرحمة

طموحة مملوحة said...

اعرف واحد كويتي عايش بامريكا تخصصه لو يوظفونه بالكويت ماياخذ شي هناك مدلعينه ومعيشينه عيشة ملوك .. يقول اموت ولا ارد الكويت :)

le Koweit said...

عامر/

احترم وجهة نظرك
لكن البلد الذي تتحدث عنه
هو بالنهاية بلدك !

حياك الله

le Koweit said...

غير معرف/

ما قلنا شي
بس ايضا بلدك لها حق عليك
احنا ما علينا من البلدان الثانية
احنا نتكلم عن الكويت
الكويت اليوم في امس الحاجة لأبنائها المخلصين
لكي يعيدونها درة الخليج من جديد
....

حياك الله

le Koweit said...

الجودي/

تعليقج كافي ووافي :)

بس يحليلهم وفرولها حتى الزوج
هههههههههههه

شكرا على الاضافة

حياج الله

le Koweit said...

ادراك/

ان كان البعض خاضع
فليس الكل يا زميلي
يكفي انني ارى الشباب اليوم ساخطين على ما يرون
وهذ مؤشر جيد

حياك الله

le Koweit said...

الدستور/

انا والله متفائل
وانشالله القادم افضل...

حياك الله

le Koweit said...

الوحدة الوطنية/

يعني شنو ؟
:D

حياك الله

le Koweit said...

هديل/

كلامج عين العقل
من وجهة نظري على الاقل
الديرة في امس الحاجة لنا اليوم
نروح ونخليها؟؟؟

حياج الله

le Koweit said...

طموحة مملوحة/

احترم وجهة نظرج
لكن اقري تعليقج مرة ثانية بتأني
اللي تقولينه ماهو انانية؟
الناس تضحي بحياتها من اجل الوطن
وانتي مستخسرة اتحمل الضيم والظلم من اجل الوطن
هذي برايج مو انانية؟

وصاحبج الكويتي اللي بامريكا
مع كامل احترامي له
أناني وما عنده ولاء لوطنه !

حياج الله

بوطلال said...

لا ياخوي مافيها انانيه لما ما ارضى حق نفسي مستوى منحط, ما يكفي اعيش مرتاح مادياً وانا اشوف همجية الشعب اللي حواليني من اصغر الاشياء لي اكبرها,
انا لمه امشي ملتزم بالقانون بالشارع اصير انا الغلطان, كل يوم بس عشان اوصل حق دوامي مليون واحد يأشر بإيده ويسب ويترك واهو ماوراه لا شغل ولا مشغله بس تسلط

طموحة مملوحة said...

لوووووول مو كل واحد اعرفه يطلع صاحبي :)

هذا اولا وثانيا يا اخوي العزيز لاني انا وياك مرتاحين والحمدلله والديرة مو مقصرة فينا مانطلع منها بس انا اتكلم عن الناس الي الديرة قصرت وياهم وايد ومليانييين ومن اهل الديرة بس شيسوون اذا لا دراسة ولا شغل ولا مستقبل شلون راح يأمنون مستقبل عيالهم . بعدين في عرب واجانب ساكنيين عندنا سنيين ودنيين وبيموتون بالكويت هل هذول والله كارهين ديرتهم ؟ لا طبعا بس مجبورين الدنيا صعبة لازم الواحد يضحي علشان يعيش فيها اذا مالقى الارض الي تأويه يدورعلى غيرها .. حتى لو داس على قلبه

Anonymous said...

ليش لا الصراحه افكر بالهجره يمكن قاعد افكر بجد لاسباب كثيره ورحاء لاتقول انانيه كلام عامر وابو طلال يمكن قالو شو ى من الاسباب الي خلتني افكر بالهجره

le Koweit said...

بوطلال/

مقدر الحرة اللي فيك
واحترم وجهة نظرك

بس ياخوي العيشة برفاهية ماهي كل شي
مع ان الرفاهية موجودة بالكويت ولله الحمد
ماكو ولاء للوطن؟ ماكو حب لهالأرض؟
مثل ما قلت الناس تضحي بحياتها للحفاظ على وطنها
وانتوا مستخسرين تضحون برفاهية من اجل وطن؟

حياك الله

le Koweit said...

طموحة مملوحة/

لووول انا قصدي صاحبج بنفس التفكير :P

موضوع العرب والاجانب اللي ساكنين هذا موضوع اخر
انا اتكلم عننا احنا ككويتيين

احترم وجهة نظرج
لكني كلش مو مقتنع فيها
ماكو شي يتبدل بالوطن...

حياج الله

le Koweit said...

غير معرف/

اخوي مهما كانت الاسباب
صدقني ماهي كافية
من وجهة نظري على الاقل
وانا اشوف انها انانية انك بديت مصلحتك
على مصلحة وطنك اللي محتاجك...

حياك الله

Anonymous said...

الانسان له احتيجات غير الرفاهيه ومنوقالك ان الرفاهيه اهي كل شئ بالحياه شرايك بالبحث عن السعادة عن تحقيق الاحلام هاذى اشياء بسيطه لكنها عندي اهم شرايك وين ادور عليها

Anonymous said...

لو بيدي اهاجر .. اتمنى الكويت القديمه عروس الخليج ترد مثل اول واحسن وتسابق بالتطور .. مو تعلق وتوقف .. وتصير ميته لا حركه ولا تطور والتخلف راكب راسنا
والسلام عليكم ورحمة الله وبركاته

le Koweit said...

غير معرف الأول/

انا ما قلت ان الرفاهية كل شي
لكن بعض التعليقات قالت جذي
زين هالاشياء عندك اهم من شنو؟
اهم من وطنك؟؟؟

حياك الله

le Koweit said...

غير معرف الثاني/

والكويت عشان ترد قديمة مو محتاجة جهود ابناءها؟
ولا سحر اهو بترد بروحها؟
تبونها ترد مثل اول
وما تبون تساعدونها
امركم غريب !!

حياك الله

أميرة عربية said...

هلا
شوف الكويت نحبها و نفديها باروحنا بس صراحة في ضغوطات لازم نعترف فيها صح احنا احسن من غيرنا بالف مرة بس ما يمنع نطمع للاحسن و الافضل و نتوسع بالرزق بس ولائنا الاول و الاخير حق الكويت
طبعا انا ما اقدر اهد الكويت لو شنو بس حبيت اتكلم بشكل واقعي

أميرة عربية said...

هلا
شوف الكويت نحبها و نفديها باروحنا بس صراحة في ضغوطات لازم نعترف فيها صح احنا احسن من غيرنا بالف مرة بس ما يمنع نطمع للاحسن و الافضل و نتوسع بالرزق بس ولائنا الاول و الاخير حق الكويت
طبعا انا ما اقدر اهد الكويت لو شنو بس حبيت اتكلم بشكل واقعي

le Koweit said...

أميرة عربية/

نتوسع بالرزق خارج الكويت؟
عفوا لكن ايضا المنطق قول انك تشتغل ابلدك
وتفيد بلدك
افضل ما تفيد البلاد الاخرى
واحترم رايج :)

حياج الله