Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Friday, November 19, 2010

النتيجة: الهجرة من الكويت

طرحت قبل يومين موضوع الهجرة من الكويت لأستطلع آراء القرّاء بهذا الموضوع، والحقيقة كانت الصدمة كبيرة جداً !

القراء الذي علقوا وأبدوا رأياً ضد الهجرة كانوا اثنين فقط، والذي علقوا وأبدوا رأياً مؤيداً للهجرة كانوا 8 !!
لا أخفيكم سراً أن الموضوع سبب لي صدمة فلم أكن أعلم أن هناك كويتيون يفكرون بالهجرة بهذا الشكل.


سآخذ التعليقين الرافضين للهجرة، ومن المؤيدين 4 تعليقات.



رافضين للهجرة من الكويت

أوافقك الرأي
الهجرة سمعتها أكثر من مرة و للأسف وحده من هالمرات في بيتنا
:)
بالفعل الكثير من الشباب و الغالبية المطلع على الحياة خارج حدود هالديرة و الي يدرسون برة و يا سلام إذا كان تخصص مهم و في أمريكا لازم أول ما يرد يناقش موضوع الهجرة و عقب يستقر و تاخذة دوامة الحياة
أعرف بنوته تخصص قوي و انجاز في مجال تخصصها وفروا لها فرصة عمل و زوج و قعدة ماردت ..!!!؟
اتوقع الموضوع بس أنانية أنا أشوفه أكثر من جذي أنانية و انعدام ا لولاء بالكويتي منكر حسنه للبلد إلي علمتهم لو فيها إلي هو كفاية إنها طرشتهم بعثات بره
يحرون الله يهديهم و يحفظهم ويردهم

 



بالضبط يعتبر أناني..
الديرة بشدة و بحاجة لنا ,شلون نتركها و نروح..
و الله شبابنا فيهم خير , لو نصير على قلب واحد و نصبر ..راح ترد الكويت مثل ما كانت و أحسن..
لا تقولون ما بيدنا شي ..اخدم ديرتك بمكانك ..
 
 
 
 
 
 
مؤيدين للهجرة من الكويت
 
عامر:
مرحبا
لا أنانيه و لا هروب من مواجهه
لكن لا أعيش في بلد يتعاطى الدين كسلطه في المجتمع
و لا أقبل لأطفالي تعلم مفاهيم دينيه لا تعترف بالحاضر و المستقبل
مشكور

 


انا عن نفسي افكر بالهجرة و الاستقرار في الخارج ليس بسبب ان الاوضاع سيئة و لكن لان الشعب اضحى خانعا جازعا مشتتا لا تهمه كرامته و شعب بلا كرامة شعب لا يستحق الحرية



ليش اناني ؟؟
اذا انت ماخذ حقك بديرتك وعايش برفاهية ترا في فقارة ومضطهدين بالديرة ومحد معطيهم اهتمام ومن حقهم يشوفون مصلحتهم طبيعي كل واحد يحب ويبي مصلحته عيل مصلحة البلد وموماخذ من هالبلط شي ولا مأمنة مستقبله ومستقبل عياله ؟؟ شيبي فيها يهاجر واهو مرتاح شيسوي اذا ديار الاجانب والي ماعندهم دين ارحم من ديار فيها دين ينادي بالرحمة

 


بوطلال:

لا ياخوي مافيها انانيه لما ما ارضى حق نفسي مستوى منحط, ما يكفي اعيش مرتاح مادياً وانا اشوف همجية الشعب اللي حواليني من اصغر الاشياء لي اكبرها,
انا لمه امشي ملتزم بالقانون بالشارع اصير انا الغلطان, كل يوم بس عشان اوصل حق دوامي مليون واحد يأشر بإيده ويسب ويترك واهو ماوراه لا شغل ولا مشغله بس تسلط
 
 
.
.
.
 
 
 
 
أترك التعليق لكم فلا شيء لدي أقوله بعد هذه النتيجة !
 
 
 

20 comments:

عين بغزي said...

الإحباط و البيروقراطية أحد الأسباب التي تجعل الانسان يفكر بشكل جدي بالهجرة

ناعمة الهمس said...

الكويت ديرة الاحباب
منها ولدت وفيها اموووت
لو تصير افقر دولة

لو تصير اسؤ دولة

ما اهاجر و اهد ديرتي

للخمة الموجودة واللي فارضة نفسها على الفاضي و المليان

واللي يقول دين

مراح تلاقي احسن من الكويت بالدين

مو عاجبك ما تشوف شر

والله الكويت حبي حبي حبي

ما اهدها لو يذحوني

عامر said...

أنظروا للكويت بعين الواقع لا برموش العاطفه
آهات الحب لن تنقذ البلد من الخراب

Anonymous said...

انتا سالتنا رينا فجوبنا بكل صدق تبيينا نجذب ونقول كله عال العال وتمام يا فندم هذا شئ ثاني اما اذا كان سؤالك يبحث عن الحقيقه فاليك بها حبنا لديرتنا في الروح عايش فيها حتي نموت زين نبي نعيش في وطنا بكرامتنا نحقق احلامنا علي ارضنا نبي نعيش سعيدين في ديرتنا نعيش الافراح ها شرايك

panadool said...

حقوقي العزيز

لاتلوم الناس
فالمستقبل غامض

والمنطقة مافيها إستقرار


ليس عندي إحصائية بعدد الكويتيين الذين يعملون بالخارج

ولكن على المستوي الشخصي المتواضع أعرف الكثير

وأحوالهم عال العال



إشرايك
أنا وياك

:)

نفتح مطعم كويتي بكندا
ونسميه درب الزلق

ونطبخ المجابيس والطباخ الكويتي

شرط بظرف سنه نقلبه فندق

لوووووووووووووووول

وبعد 10 سنين نرجع الكويت زيارة ونشوف تغير شيئ ؟؟

للأحسن أو للأسوأ
؟؟


تحياتى يالخوش

:)

le Koweit said...

عين بغزي/

مهما كانت الاسباب
من وحهة نظري ما تكفي
ان الانسان يهجر وطنه ...

حياك الله

le Koweit said...

ناعمة الهمس/

كفو والله ياختي
وجان زين الكل مثلج

لكن ما نقدر نفرض راينا على الاخرين
كل شخص حر برايه

حياج الله

le Koweit said...

عامر/

عين الواقع هي التي انظر بها يا اخوي
الواقع يقول ان وطني محتاجني
وطني تعب علي ومن حقه علي اني اساعده
ما اهده واروح !

حياك الله

le Koweit said...

غير معرف/

لا لا بالعكس اخوي
انا ابي الصدق
لكني انصدمت من الصدق
انصدمت ان هذه الفكرة وبهذا الشكل موجودة بينكم
هذا كل ما في الأمر...

حياك الله

le Koweit said...

بنادول/

مهما كانت الاسباب يا زميلي
فمثل ما قلت ما اراها ابدا كافية
لكن شنسوي...

وبخصوص المشروع
والله مش بطال
دزلي دراسة جدوى للمشروع عشان افكر :P
ههههههههه

حياك الله

Anonymous said...

قلنا هذا راينا الشخصي يعني احنا احرار هذا اذا كنتم تؤمنون بحرية الراي اما الصدمة من الصدق يمكن تصحي احيانا فهي صدمه صحيه ولا شرايك دكتور باندول اما سالفت المطعم والتفكير بالبطون تقدر تفتح المطعم اهنيه وتاكد راح تربح اكثر

le Koweit said...

غير معرف/

لا يا اخوي
انا ما عندي مشكلة ويا الراي
بالعكس قول اللي تبيه
انا انصدمت من الواقع
انصدمت ان في ناس يفكرون جذي
ما كنت متوقع كلش هالشي يكون موجود
او على الاقل موجود بهالكثرة....

حياك الله

Um il sa3af wil leef said...

والله يا خوي ..سبق وعلقت ند أخوي صوت الكويت وقلت
أكيد فكرت وايد اني أهاجر
كونك تعيش غريب خارج بلدك أسهل بكثير من انك تعيش غريب داخلها

تحيااتي

le Koweit said...

ام السعف والليف/

اختي انتي قاعد تبالغين حيل
الكويتي في بلده غريب !
شدعوة الحمدلله ما وصلت لهدرجة عاد...

حياج الله

Um il sa3af wil leef said...

هذا رأيي ، لقد جربت الغربه خارج الوطن
وبرأيي ان أكثر الأشخاص الذين يجربون الغربه خارج الوطن يصابون بالغربه بداخله
تحياتي

Anonymous said...

العزيز باندول رديت لمدونتك وعرفت ليش مستلمني جذيه لعلمك انا اول مره اكتب للمدونات يعني توني يديد مو انا الخوش سلام

le Koweit said...

ام السعف والليف/

احترم رايج
لكني اجده جدا مبالغ فيه...

حياج الله

le Koweit said...

غير معرف/

ما فهمت شنو تقصد

بس حياك الله :)

Anonymous said...

لو كويت يعني اول مره اكتب وكان رد باندول غريب كانه يعرفني انا عجبني موضوعك قلت اشارك واستفيد من ارائكم سلام

le Koweit said...

غير معرف/

اي بنادول حبيب
يعرف كل الناس :P

حياك الله اخوي
هذي الساعة المباركة والله :)