Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Monday, October 04, 2010

أقول سنّع وزارتك بس...



الحقيقة الحقيقة... امصخت السالفة والحكومة مصختها وطلعت ما تنعطى وجه بعد !

قبل جم يوم كانوا يمنعون الندوات بحجة عدم إثارة الفتنة ومن هالكلام، وقلنا ميخالف ألزم ما علينا وحدتنا الوطنية، لكن الظاهر سالفة منع الندوات والإستعراض بالقوات الخاصة حلت حق حطبة الدامة وقرر إنه يخليها نهجه الكريم في إدارة الدولة، وشغال عمّال على بطّال يمنع بندوات خلق الله ويدز قواته الخاصة تستعرض أمام الحضور لإخافتهم وكأننا في دولة بوليسية !


وآخرها قبل قليل (هنا وهنا) ندوة النائب السابق المحامي أحمد الشحومي الذي تفاجأ هو والحضور بوجود دوريات الشرطة والقوات الخاصة مطوّقة لمكان إقامة الندوة، مع أن الندوة ليس فيها فتنة ولا غيره من هذا الكلام "الماخوذ خيره"، وإنما لمناقشة أمور البلد وقضاياه المختلفة ومنها قضية حجز الضابطين المعروفة.






أقول يا وزير الداخلية.... سنع وزارتك بس، دور الإنعقاد قرّب وبتشوف العين الحمرا من النواب الشرفاء.

ولّا تدري ؟! حتى العين الحمرا ما قامت تكفي في هالمجلس المزوّر، دام الإنبطاحيين من النواب العقلاء هم الأكثرية "الله لا يكثرهم"، ومنبطحين تحت أقدامك وأقدام سموّه، فلن تخيفك العين الحمرا... ولا حتى العين فوق البنفسجية !

21 comments:

Engineer A said...

تدري؟

سوالف الكتب والثقافة وايد أبرك من السياسة وبلاويها :)

الله المستعان وان شاءالله يكون صوتك وصل

الوحده الوطنيــــه said...

هلا بالشيخ ليو

شدت انتباهي جملة مجلس مزور
ما شفت رولا دشتي او زنيفر
او مسلم او الراشد او خالد طاحوس
او السعدون اعترض على شرعيته
او واحد من الاعضاء قدم استقالته للسبب اللي ذكرته
واحد مريش وقاعد 49
ما فهمت الجمله !!

تحياتي :)

Binamo said...

شوف اهوا يا انه مايدري ويتعسف على هالاساس او انه متعمد...... و سالفة انه يعطون الجويهل معلومات و يخلون مثير الفتن العفن ياسر ينحاش "بخطاء" ترى شوي صعبه

بس تبي الصج عاد: لاحياة لمن تنادي....منو بيوقف ابويهه؟؟
....

الدســتور said...

خلاها عرف

يومه قرب وانا اخوك

الجودي said...

مو قلنا بلا سياسة علامك رديت تحب و

هالديرة مو بيدك صح كلنا يا أخوي

ترى نحبها

مساء الخير

؟

عين بغزي said...

:)

خااالف تعرف said...

يسنع !!

ما اعتقد مرت عليه هالكلمة

انتوا نسيتوا الخمسة مليون !!!

الراية said...

تبي الصج اهو ماله شغل صاحب هذي الدعوه ودايم مع استعمال القهوة النائب الاول

لاول مره ادافع عن حطبة الدامه بس لانه لو ترجع اسبوعين ورى راح تشوف انه صاحب السابقه النائب الاول مو هذا المسكين

t7l6m.com said...

مردك عالسياسه
ماتنلام
والحمدلله الله فاكني منها (شوف بوست باكر وتعرف ليش)
والله يصلح الجميع وتمشي الأمور بدون مغثه علشان
ترجع تسولف لنا عن الكتب

le Koweit said...

المهندسة/

لوووول
شنسوي قلنا هذي شر
لابد منه :)

حياج الله

le Koweit said...

الوحدة الوطنية/

انا ترددت قبل ان اكتب هالكلمة
والسبب اني خفت احد يفهمها غلط مثلك
ما قصدت مزور بالمعنى المادي
قصدت مزور من ناحية ارادة الامة
اللي تزورت على يد نواب باعوا اصواتهم وضمائرهم
هذا قصدي ياالزميل :)

حياك الله

le Koweit said...

بينامو/

ما اعتقد انه ما يدري
ولا تصير مصيبة
ان كنت تدري فتلك مصيبة وان كنت لا تدري فالمصيبة اعظم

حياك الله

le Koweit said...

الدستور/

الله يسمع منك....

حياك الله

le Koweit said...

الجودي/

لوول :)
شنسوي لازم سياسية
ما نقدر نباعد..

حياج الله

le Koweit said...

عين بغزي/

:)

حياك الله

le Koweit said...

خالف تعرف/

لووول اي والله صدقت
ما مرت عليه :)

حياك الله

le Koweit said...

الراية/

حتى لو كلامك صح
بس اهو وزير الداخلية
اهو بالوجه
اذا ما يقدر يدير وزارته
خل يستقيل ابرك !

حياك الله

le Koweit said...

تحلطم/

اي والله ياخوك شنسوي :)
الظاهر سالفة الكتب عجبت الجميع
الكل يقولي نبي كتب
بس انشالله هاليومين انزلكم كتاب بعد
تامرون امر :)

وبانتظار نشوف بوستك عزيزي

حياك الله

welli said...

"شرفاء المجلس" ما عندهم غالبية من خلالها يقدرون يورون "حطبة الدامة" العين الحمرا ... خله يرقد و يامن بس

Anonymous said...

تكسر خاطري
عقلك اصغر من عقل ياهل عمره 4 سنين

le Koweit said...

ويلي/

اي والله صدقت
خله يرقد ويامن...

حياك الله