Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Friday, October 01, 2010

خلها تخيس

بعد دعوة كريمة من الزميل صاحب مدونة الدستور، أعلن عن انضمامي وتضامني للحملة التي أطلق عليها اسم "خلها تخيسوالتي تدعو إلى مقاطعة الخضراوات بسبب الإرتفاع الجنوني بالأسعار، والتي أصبحت حديث الناس وشغلهم الشاغل هذه الأيام.

فقد ارتفع سعر كرتون الطماط من نصف دينار إلى 5 دنانير !
والله لو يسقونه بماي الذهب ما يصير جذي !!

والحكومة تستمع بدور المتفرج على ما يحدث، ولا تحرك ساكناً.
وزير التجارة الغائب الغائب، ورئيس الوزراء الذي يبحث عن الأمن الغذائي في أقاصي الأرض، ويترك أسعار الأغذية في الكويت تشتعل، فهذا الموضوع لا يهمه... بل هو في آخر اهتماماته إن كان لسموّه اهتمامات !


فلنساهم جميعاً في مقاطعتها لـ"تخيس وتطيح بجبودهم"... والله كريم.

28 comments:

Anonymous said...

اي واذا استجوب مسلم البراك قالو له انت بس تصارخ والله هيك حكومه بدها كل يوم استجواب

انا اشوف اللي يعارضون الاستجوابات يبدو انهم راضين على الوضع

شعب مضروب بنج مو طبيعي
تخدير كامل

انا ياخوفي تطلع شحروره المجلس رولا وتقول ان هذا يفيد الاقتصاد تسويها ترى ما استغرب

Anonymous said...

أنا وياكم
ولو فعلا الناس تقاطع كان الأسعار تتغير بالنازل ومافيات السوق تخاف

عين بغزي said...

وقف تاألك

الدســتور said...

قواك الله
و عسى الحال يتبدل إلى الأحسن

الدســتور said...

قواك الله
و عسى الحال يتبدل إلى الأحسن

Kuwait10 said...

الغريبة إن المشكلة مو محلية فقط
واصلة حتى دول الخليج!

Engineer A said...

انا معاكم بعد "خلها تخيس" مو لازم طماط أصلاً يسبب حساسية!!

ebtsamh said...

حمله جميله ومعروف عن المدونين

رصدهم وتحديهم لأي قرار او تصرف

غلط يضر البلد والشعب

وهذي من المواقف المحسوبه

عساها تخيس وتطيح بجبودهم :)

ebreeq said...

العزيز لوكويت

سلام وتحيه


أنا صراحه خدودي حمره



وماعندي فقر دم


عشان جذيه بنظم معاكم في الحملة


:)))


وبعدين في دراسة طلعت تقول ان الطماط يزيد الوزن



نحو مجتمع نحيف

مودتي:))

le Koweit said...

غير معرف/

اي والله كلامك عدل
لا عاجبهم هذا ولا عاجبهم ذاك
الله يعين بس

حياك الله

le Koweit said...

تحلطم/

كفو والله
خل تطيح بجبودهم...

حياك الله

le Koweit said...

عين بغزي/

تئلي شوو؟

شكلك للحين طاحيلة بلبنان :)

حياك الله

le Koweit said...

طاحيلة شنو @_@
طايحلة قصدي :>

le Koweit said...

الدستور/

ولو
والله يسمع منك

حياك الله

le Koweit said...

كويت10/

معقولة والله؟!
غريب...

حياك الله

le Koweit said...

انجنير أ/

اي والله
خل نحول عالخيار
اخف :P
لوووول

حياج الله

le Koweit said...

ابتسامة/

الحمدلله
الله يقدرنا للي فيه الخير
قواج الله

حياج الله

le Koweit said...

ابريق/

هلا بالزميل الغايب :)

لووووول
الله يقطع ابليسك
كفو كفو
مو لازم طماط :)

حياك الله

Anonymous said...

انا مشكوك فيني يمكن مع الحمله

واحتمال كبير مو مع الحمله

بالسلطه بحط فراوله بدال الطماط

وبالمرق معجون طماط وأكثر ابقرع وخضره

بس الدقوس ماله بديل غير الطماط!!

ولا نقلب شرق آسويين وناكل مع العيش صويا صوص!!

le Koweit said...

لوير/

لووووول
نحط صويا مع العيش
مؤقتا بس :P

حياج الله

Unknown said...

نعم خليها تخيس خليها تخيس خليها تخيس

le Koweit said...

الطائر الحر/

نعم تخيس تخيس تخيس
:)

حياك الله

Ducati said...

اي والله على قولتك والله

خلها تخيس

ما وصلنا حق هالشي غير الطمع والجشع

الله يسهل انشالله

le Koweit said...

دوكاتو/

مشكلة
الطمع والجشع اعماهم
الله يكافينا شرهم بس...

حياك الله

الجودي said...

أنا معاكم مابي طماط

و بقوول لأمي الدقوس بيكون بيديان

إلاالبيديان بتقاطعونه ولا الطماط بس

علشان أكون بالصورة إذا بتقاطعونه

أقول لأمي كاتشب

ولا انقزر بالأجار بعد اشزينه انطع

:)

الفيدرالي said...

أنا معاكم بالحملة لأني ما أحب الطماط :)


تحياتي

le Koweit said...

الجودي/

مو لازم دقوس
على قولة لوير
صويا صوص :P

حياج الله

le Koweit said...

علي الشطي/

ماشالله الكل ما قام يحب الطماط :P
لوووول

حياك الله