Pages

@LeKoweit لكل من يود التعليق أو المناقشة حول المقال يسعدني ذلك عبر حسابي على التويتر

Wednesday, October 20, 2010

اللسان اللي بينمد.. بينقص، والإيد اللي بتتطاول.. بتنقطع





شاهدت هذا الفيديو (موجود في نهاية البوست) للشيخ السفير فيصل المالك بعد خروجه من النيابة العامة وعودته لديوانه.

يدخل الشيخ الديوان وهو رافع إشاره النصر وكأنه عاد للتو من معركة تحرير فلسطين، فهو لم يكسر القانون، وتبجح فخوراً بذلك، وإنما ما فعله مدعاة للفخر والعزة و"كفو".

وبعد أن حمد الله وأثنى عليه بما هو أهله سبحانه، وصلى على نبيه الكريم، أبهرنا بخطبة عصماء صمخاء عمياء، فلم يقربها الباطل من بين يديها ولا من خلفها.

فبعد أن حيا الحضور بتحية "الرجال" و"الأبطال"، تفاخر الشيخ السفير بأنه فعل ما كان يجب أن يُفعل، وبأنه ليس نادماً على ما قام به، بل أنه فخور بما أقدم عليه.

وينهي الشيخ هذه الخطبة العصماء قائلاً وهو يصرخ ويزبد أن "اللسان اللي بينمد على الأسرة بينقص، والإيد اللي بتتطاول بتنقطع".

وبهذا يعلن الشيخ فيصل المالك أن عهد الدولة المدنية الدستورية قد ولّى من غير رجعة، وأن عهد المشيخة والغابة والفداوية أشرق على الكويت.


ملاحظة: الفقرة الأخيرة انتزعتها من مخيلة سعادة السفير، ولكنها بإذن الله ستظل قابعة في أحلامه... وأحلامه فقط.




22 comments:

ebreeq said...

العزيز لوكويت

سلام وتحية

فعلا بدأ المهابد والملافط

ولا شي سيقص الا وفق الدستور واما غير هالكلام مافيه

اذا اغلطوا عليك الناس وانت غلطت بردة الفعل

فلا يعني انك انتصرت بل انتصرت لقانون الغاب وليس للحق كما تدعي
فللحق وسائله وليس فيه الغاية تبرر الوسيلة


هذا وهم شيوخنا كذا عند غضبهم شبقوا للبسطاء لحظة غضبهم

وأقول للشيخ فيصل كل الناس تقدر تسوي مثلك واكثر بس الناس مازالت مؤمنه بالدستور والقانون

يابوقانون الغاب

:(

الجودي said...

أبيــــه

:(

شنو هالحجي ليش كلامه يخوف تنقطع و تنقص و ين قاعدين ؟؟؟؟؟؟

لا حولة ولا قوة إلا بالله

الكويت للأسف ما حبيت البوست

ناعمة الهمس said...

اي مادري شقول والله

همسة : الله يحفظج يا كويت

الراية said...

الاخ حاب يرسخ مبدا حرب العصابات وصدقني اللي عمره ماتبخر تبخر وحترق اهو الحين سوى سابقة تنوخذ عليه هدك من جم مصفقجي قاعد يهايط في الدويان بس باجر بيعرفون انه لو اطلقت الوحش ماراح يخليها الا خرابه

bo bader said...

شنو اللي رجعنا لعهود الإقطاعيات والتسلط ؟

عندنا دستور وقوانين تحكمنا .

غير هالكلام ما يمشي علينا ، طاف !

مدونة الكويت ثم الكويت said...

الضاهر الشيخ فيصل مكثر من التشريب :)



ما عليه أحيانا الإنسان يتأثر بالجمع والتصفيق متناسيا حقيقة الواقع الذي يؤكد أن كثير من الشيوخ ممن يعملون بالشأن العام طارو بصرخة عضو ؟

هالفيديو خرب عليه وعلى سمعته وأعتقد أن راح يكون حديث الكويت وسلاح بيد المعارضة


يعني شيخ يشتغل بالحكومة لحد ينتقده أو يلسعه بانتقاد !!!!

شيخ استريح والتفت حولك

للأسف مشكلة الكويت الحقيقة بالبطانة الفاسده

اشرب بيرييه = مياه غازية فرنسية ترى يمدحونها :)

Sami said...

والله انك ريال ...ارتفعت بعيني..انا هالفيديو كدرني ..اكتشفت انا الكويت فيها وايد منافقين

Anonymous said...

منو الى قاعدين عنده؟
كلهم مثلك وشرواك من الاعراب
مايعرفون الا شي الا انهم يكونون عبيد وصبيان لاي واحد يركبهم بالفلوس او بغيره

le Koweit said...

ابريق/

هلا عزيزي ابريق

صدقت والله، ما فعله فيصل المالك ليس انتصار لأسرته
وانما انتصار لقانون الغياب وانتصار لكسر القانون

حياك الله

le Koweit said...

الجودي/

للاسف هذا ماهو كلامي
هذا كلام فيصل المالج..

حياج الله

le Koweit said...

ناعمة الهمس/

اميين
لله يحفظ ديرتنا

حياج الله

le Koweit said...

الراية/

صدقت والله
باجر اكثر واحد بيندم اهو
لما يشوف ان اللي سواه بيفتح عليه باب ماهو قده...

حياك الله

le Koweit said...

بو بدر/

ياخوي يابو بدر
في ناس للحين ما تدري ان عندنا دستور وقوانين
عبالها للحين ماشين بنظام المشيخة والفداوية :)

حياك الله

le Koweit said...

الكويت ثم الكويت/

فعلا
هالفيديو وهالفعل راح يخرب عليه
ونشوف الايام القادمة حبلى بشنو

بس تقول بيريه هذي ماي؟
متأكد؟
:)

حياك الله

le Koweit said...

سامي/

منو الريال انا ولا فيصل المالج؟
:>

حياك الله

Anonymous said...

والشيوخ اللي ما يحترمون الشعب....يبيلهم بتر من مناصبهم!!!يافيصل

Anonymous said...

اسلوب همجي حسباله للحين قاعدين بزمن الفداوية

Safeed said...

هذا دليل على أن الألفاظ والملابس
والمظاهر ممكن تتغير نتيجة الوفرة المادية
وزيادة الثقافة، والاحتكاك مع أمم العالم الأخرى

ولكن يظل الفكر في مكانك راوح طالما
إن أن دعوة لتصحيحه أو تحديده تكبح
وأكبر دليل هو الصمت المطبق بعد اللي صار
وكأنه ما صار شي في ترسيخ واضح للمبدء اللي يقوله سعادة السفير

!

le Koweit said...

غير معرف الأول/

صدقت
صح لسانك

حياك الله

le Koweit said...

غير معرف الثاني/

فعلا اخوي
كلامك سليم ..

حياك الله

le Koweit said...

سفيد/

مو الكل فكرهم مكانك راوح
قلة قليلة انشالله

حياك الله

TheRex said...

الله يسامح الي كان السبب